وصفة مغربية طبيعية زيادة الوزن من دون كرش

هاد الوصفة فعلا مجربة وناجحة تتفتح الشهية وبالتالي تتزيد في الوزن في وقت قصير والأهم أن كل مكوناتها طبيعية وصحية ومفيدة حتا للنساء لترضعو لأنها تتزيد في الحليب
مقادير وصفة لزيادة في الوزن
كأس حلبة كأس إيلان كأس زنجلان كأس كروية كأس زريعة القزبور (القزبر يابس) كأس نافع (زريعة البسباس) كأس نخالة الزرع او الشعير الى ما كانش متوفرة عوضوها بنخالة القمح
طريقة تحضير وصفة لزيادة في الوزن
أولا خدي جميع المكونات ونقيها مزيان من الحجر والتراب وعمليهم في طاوة الفرن من بعد سخني الفرن ديالك مزيان او ملي طيبي الخبز طفيه عاد دخلي هاد الاعشاب يصهدو فيه حتا يبرد من بعد خلطي كلشي وبداي طحني في طحانة الكهربائية ديال العطرية او تقدري تاخديها للعطار اللي عندهم طاحنة العطرية طريقة الاستعمال خودي معلقة صغيرة من الوصفة وشربيها مع كاس تاع الماء من بعد كل وجبة اكل يعني من بعد الفطور و الغدا والكوتي والعشا ان شاء الله تجربو الوصفة وتفيدكم أي استفسار انا في الخدمة

Read Previous

بورصة الدار البيضاء: تمديد تعليق تداول أسهم شركة (سامير)

Read Next

مجلة (موريتانيز 1) الموريتانية: الدبلوماسية الاقتصادية المغربية في إفريقيا حققت نجاحا أكيدا