أكورا بريس سلام حبيباتي كيف راكم كنتمنى نكونو كلكم لاباس لي عندها الامتحانات الله يوفقها و اي خدامة الله يعونها و لي ربت بيت الله يعونها حتى هي اوا بلاش منطول عليكم هاد ااوصفة عبارة على مناديل لازلة المكياج ساهلين و كتوجديهم بوحدك فالبيت ديالك
كنحتاجو لعلبة فارغة و من الاحسن فحال هادي لي فالصورة حينت كتحتافظ على المحتوى ديالها مدة طويلة و دوائر القطن او مربعات راهم كيتباعو و ماغاليينش و معلقة زيت جوز الهند و معلقة من اي جيل منظف ديالكم بشرط يكون خالي من البارابين و الزيوت السليكونية و كاس من الماء لي يكون غليان قبل و برد لينا المهم كنخلط تلمكونات مع ااماء و كنبداو نستفو فالداوائر ديال القطن داخل العلبة و نبداو نخويو فالمحلول غير شوية بشوية ونعود نفس العملية حتى كيبان لينا كلو فزك كنسدو عليه منبداو نستعملوه فالحين وراه كيدوم ليكم لحين يتقاداو ليكم الاقراص وبالصحة والراحة و لي عندها اي استفسار تخلي لي تعلييق احبكم فالله
