جديد وصفة لترطيب الخدود و تصفي الوجه

هاد لوصفة عن تجربة و باقا متبعها لحد الان. عييت منجرب في الوصفات و لاكن حتى وصفة معتاتني شي نتيجة. كتحيد لحبوب و كتحيد لتاش و كتحمر الحنيكات و كتبيض. انا هدي 3 سيمانات باش بدياها و كنديرها نهر و نهار لا.
الوصفة هي :

ملعقة من الياغورب الطبيعي
حليب بودرة : نيدو

تشري دانون مسوس و دريه فتلاجة و ديري معلقة كبيرة فجبانية صغيرة و ضيفي عليها معلقة صغيرة ديال نيدو. ودهني وجهك حتى يبان ليك كرم و غسليه بالماء بارد فاش يكون الماسك في وجهك تجنبي ضحك حقلش منو ماسك كيجبد لوجه لدريه و تبقاي عاتياها لتفرنيس ههههههه. الوصفة ساهلة و فاش كتغسلي و جهك كتحسي بيه مجبد و رطب و حمر.